ती कविता एकाकी

ती कविता एकाकी

कळकळीने शोधणारी

कोणी न तुडवलेल्या वाटा...

निसर्ग सौंदर्याच्या शोधात

स्वतः देखील नि:सर्गच राहिलेली

एक कविता...

रानातल्या अनोळखी फुलाप्रमाणे

गुलाबासारखं कौतुक वाट्याला न आलेली

ती एक रंगीत कविता...

उदय-अस्त आत्मीयतेने अनुभवणारी

काळोखाच्या आडून येणारा प्रकाश जोखणारी

एक आतुर कविता...

काटे-फुलं तुडवत

वाऱ्यावर शब्दांना खेळवत 

वाचक सांगातीची आस बाळगून

आपल्या वाटा धुंडाळणारी

ती कविता... सृजनाची

- कोरी तरीही भारलेली

जीवनाच्या नशेत गर्क 

हर पळ नव्याने जगणारी - ती कविता एकाकी!

- 

:)

सोनल