हा म्हणजे खूपच भारी आहे बुवा...
भले भले ढेपाळलेले खाड्कन् जागवतो;
उर्जेसाठी आसुसलेल्यांची तहान
हा अगदी मनापासून भागवतो.
याला घेतल्याशिवाय सकाळ होऊच शकत नाही,
हा सोबत असला तर रात्र सुद्धा थकत नाही.
हा म्हणजे खूपच भारी आहे बुवा...
याच्याशिवाय राहवत नाही ,
दुष्काळात कधी हा सापडलाच तर
आनंद गगनात मावत नाही.
अड्डयावर 'चांडाळ-चौकडी' सोबत टवाळगिरी करताना,
टपरीवर त्या एका 'स्पेशल' सोबत उगाच गप्पा मारताना,
एकांतात बसून आपल्याच राज्यात ऐलापासून पैलापर्यंत फिरताना,
मनाच्या सगळ्या टप्प्यांवर एकमेव निःपक्ष साक्षीदार -
हा, खूपच भारी आहे बुवा...
मौसम कुठलाही असो, याचा मान सर्वत्र
तरी पावसात जरा जास्त
च खाऊन जातो भाव;
भलता रसिक, भलताच कडक, मेलेल्या मूड ला संजीवनी देणारा
याला अमृततुल्य उगाच म्हणतात का राव...!
हा म्हणजे जरा जास्तच भारी आहे बुवा...
आम्हा चहाबाजांना वेळेला "चहा"च हवा ! ;)
-
सोनल
:)
:)
